طفل بيحلم بالفانوس نفسه ينور فى النفوس
نايم وف ايده الحجر وحلمه مليان بالكابوس
عصفورو واقف ع الشجر بيسبح للمولى القدوس
وسط خطاوى مبعتره شايف ايادى قصيره
مش طايله تدى والدنيا دى صغيره
ويارب اهدى خلى قلوبنا منوره
نفسه ينور فى النفوس طفل بيحلم بالفانوس
ساعه المغرب تحلى اللمه ضرب المدفع بعدين سمى
وع الطبليه لقمه هنيه بسم الله وتكفى الميه
صلى العشا مع التراويح فى بيوت الله تحلى التسابيح
بركات ربك حلت اهيااا ماشى بسرعه استنى شويه
نفسه ينور فى النفوس طفل بيحلم بالفانوس
