انا كيت

بسم الله الرحمن الرحيم

ورجعت تانى بعد مشاده كلاميه بينى وبين ملاك الموت لكن قدر الله وماشاء فعل المهم الايام دى طبعا قضتها على السرير قصاد التلفزيون 24 ساعه قايد سواء صاحى ولا نايم لدرجه ان قوضه النوم بقت عامله زى الزريبه نيااااااااهاهاها

تجربه انك تحس انك قريب اوى من ملاك الموت تقدر تحسسك اد ايه الدنيا دى رخيصه اوى ... اوى اوى يعنى

الجسم توقف عن الحركه ولكن العقل ما زال يعمل

مش عارف ليه بحس نفسى ساعات ان الناس كلها اغبيه اوى اوى او يمكن شيطاين او يمكن ملايكه سذج او ملهييين او منفضييين او تعبانين

بالصدفه وانا بتابع نشره الاخبار على الجزيره مع انى كرهت اسمع اخبار من كتر ماهى كلها شبه بعضها حكايه الست الى بيقولو اسلمت وخطفوها وبعدين الاقى الجزيره مستضيفه دكتور مش عارف مين فى جامعه الازهر تقريبا ورئيس ولا مش عارف مدير هيئه ولا منظمه حقوق الانسان فى مصر واتفاجئت بجد انه مسيحى مش معقول يعنى يكون البنى ادم دا موجود وانا عمرى ما شفته ولا طلع فى التلفزيون واتكلم عن حالات التعزيب فى اقسام الشرطه ولا اتكلم حتى عن انتهاك حقوق الفراخ والكتاكيت واتكلم عن الموضوع دا بالزات وف وصف كلامه للازمه دى هو عايز يقول ان احنا عالم عبط ولا دقه عصافير فى دماغها بس احنا فعلا كده والله ان احنا بنصدق اى حاجه

هما بيجرو ورا مكاسب شخصيه ومكاسب سياسيه واحنا بنصدق اى حاجه

سبحانه وتعالى قال فى كتابه "" ولن ترضى عنك اليهود ولا النصارى حتى تتبع ملتهم"" صدق الله العظيم

اظن الايه مش محتاجه تفسير هما بيتاجرو بدينهم واضح يعنى

اه صحيح فيه برنامج اسمه الطبعه الاولى بيجى على دريم بجد البرنامج دا جميل اوى بيفكرنى ببرنامج الاستاذذ الاستااذذذذ رمضان ابو سره هههههههه انا نسيت الاسم يا ربنا والنبى ما فاكر المهم هو جوز نجلاء فتحى المهم اه افتكرت اسمه حمدى قنديل هههههههه

المهم البرنامج دا كان جميل اوى

اه والمسلسل بتاع عايزه اتجوز ههههههههههه جميل اوى بجد انا اول مره اعرف ان هند صبرى دمها خفيف اوى والى محلى المسلسل دا انها زى القمر وبتدور على عريس عامله جو يعنى

ادى اخره النوم قصاد التلفزيون

صحيح انا سمعت ان سوزان ثابت خدت دكتوراه فخريه فى مش عارف ايه علم الاجتماع ولا علم الاحصاء والله منا فاكر

طب ادام هيا فاضيه كده وبتذاكر وسايبه مبارك ينش طب ماتذاكر نووى وتخترعلنا بطيخه حمره بس من غير بذر

قشطه